नवजात बाळामध्ये हिमोग्लोबिन कसे वाढवायचे?

बाळाच्या शरीरातील रक्ताची कमतरता भरून काढणारे सोपे उपाय!

मुलांमध्येही एनिमिया आणि रक्ताची कमी होऊ शकते. त्यामुळे बाळाच्या शरीरातील रक्ताची कमी भरुन काढण्यासाठी अनेक घरगुती उपचार करता येतात. घरगुती उपचार लाभदायक तर असतातच पण त्याचे कोणतेही दुष्परिणामही दिसून येत नाही. तर मंडळी जाणून घ्या त्या उपचारांबाबत इत्यंभूत माहिती.
 
पोषक तत्वांच्या कमतरतेमुळे लहान मुलांना एनिमिया आजार होऊ शकतो. रक्तातील लोहाची मात्रा टिकून राहण्यासाठी काही प्रमाणात जीवनसत्त्व 'क' आणि अधिक लोहाची गरज भासते. परंतु लहान मुलांमध्ये एवढ्या लवकर उत्तम डाएटच्या माध्यमातून एनिमिया नष्ट केला जाऊ शकत नाही. कारण मुलांच्या पोटाची क्षमता तितकी जास्त नसते आणि थोडंस खाल्ल्यास सुद्ध ते भरतं. मुलांमधील एनिमिया लक्षणांबद्दल बोलायचे झाल्यास यामुळे ग्रस्त असणाऱ्या मुलांची त्वचा पिवळी पडत जाते आणि त्यांना खूप थकवा जाणवतो. हा त्रास कमी करण्यासाठी घरगुती उपचारांची सहायता घेतली जाऊ शकते. कारण हे उपाय कमी वेळा जास्त प्रभाव दाखवू शकतात. जर तुम्हाला देखील तुमच्या मुलाच्या शरीरातील रक्ताची मात्रा वाढवायची असेल तर खाली आम्ही सांगितलेले काही उपाय वापरा, तुम्हाला फरक नक्की जाणवू लागेल.

बीट आणि सफरचंदाचा रस
बीट आणि सफरचंद आपल्याला बाजारात सहज उपलब्ध होतात आणि ही दोन फळे मुलाच्या शरीरातील एनीमिया कमी करण्यासाठी अतिशय उपयुक्त ठरतात. एक कप सफरचंदाचा रस आणि १ ते २ चमचे मध घ्या. या तिन्ही गोष्टींना चांगल्या प्रकारे मिक्स करून दिवसातून दोन वेळा मुलाला पाजा. सफरचंदामध्ये लोह असते आणि बीट मध्ये मोठ्या प्रमाणात फॉलीक अॅसिड व पोटॅशियम सुद्धा असते. हे सर्व घटक रक्ताची कमी भरून काढण्यात महत्त्वपूर्ण भूमिका बजावतील.


पालक
पालक म्हणजे अनेकांचा नावडता प्रदार्थ, लहान मुले सुद्धा पालक खायला टाळाटाळ करतात. पण हेच पालक रक्ताची कमतरता भरून काढण्यासाठी अतिशय फायदेशीर असते. अर्धा कप उकडलेल्या पालकमध्ये ३.२ मिलीग्रॅम लोह असते. एक कप पाण्यात अर्धा कप पालक उकडून त्याचे सूप तयार करून मुलाला प्यायला द्यावे. पालकच्या एक ग्लास ज्यूस मध्ये दोन चमचे मध टाकून प्यायल्याने देखील खूप फायदा होतो. हा ज्यूस किमान ४० दिवस तरी रोज आपल्या मुलाला द्या आणि बघा त्यातून दिसणारा फरक!


टोमॅटो
आपल्या रोजच्या आहारातील महत्त्वपूर्ण पदार्थ असलेला टोमॅटो देखील रक्ताची कमतरता भरून काढण्याचा एक उत्तम स्त्रोत आहे. सलाड किंवा सँडविचमध्ये मुलाला टोमॅटो टाकून द्या. तुम्हाला तुमच्या मुलाला रोज १ ते २ टोमॅटो खायला द्यायचे आहेत. मुलाला रोज एक ग्लास टोमॅटोचा ज्यूस सुद्धा तुम्ही देऊ शकता. टोमॅटो हा जीवनसत्त्व 'क' आणि लाईकोपिनने अतिशय संपन्न असतो. जीवनसत्त्व क हे खाद्य पदार्थांमधून मिळणारे लोह शोषून घेण्यास महत्त्वाची भूमिका बजावते.


डाळिंब
अनेक संशोधनात्मक अभ्यासातून डाळिंब हे रक्ताची कमतरता भातून काढणारे एक चांगले फळ सिद्ध झाले आहे. डाळींबामध्ये प्रोटीन, कार्बोहाइड्रेट, फॅट आणि फायबर अतिशय मोठ्या प्रमाणात आढळते. यात लोह आणि कॅल्शियम सुद्धा असते. डाळिंब तुमच्या मुलासाठी सुपरफुड्स सारखे काम करू शकते. जर तुम्हाला वाटतं की आपल्या मुलाला एनिमिया सारखा आजार होऊ नये आणि त्याच्या शरीरातील रक्ताची मात्रा खूप वाढावी तर रोज रिकाम्या पोटी त्याला डाळिंब खाऊ घाला. तुम्ही त्याला नाश्त्यामध्ये सुद्धा एक ग्लास डाळींबाचा ज्यूस देऊ शकता.


तीळ
हो मंडळी तुम्हाला आश्चर्य वाटत असेल पण हे खरे आहे की तीळ सुद्धा एनिमियावर अतिशय उपयुक्त पदार्थ आहे. खास करून काळे तीळ लोहाचा उत्तम स्त्रोत मानले जातात. दोन तास तीळ पाण्यात भिजवून ठेवा. आता पाणी गाळून तीळ वेगळे करत त्याची पेस्ट बनवा. या पेस्टमध्ये मध टाका आणि मुलाला दिवसातून दोन वेळा हि पेस्ट डाळीच्या रुपात खाऊ घाला. याला चविष्ट आणि पौष्टिक बनवण्यासाठी तुम्ही यात काजू, बदाम वा मनुके सुद्धा टाकू शकता. तर मंडळी हे आहेत अगदी साधे सोपे उपाय जे तुम्ही घरच्या घरी ट्राय करून मुलाच्या शरीरातील रक्ताची मात्रा वाढवू शकता आणि एननिमीया सारख्या गंभीर आजारापासून त्याचा बचाव करू शकता.